- ज्यान गुमाएकाका परिवारलाई तत्काल २ लाख रुपैयाँ राहत दिने
काठमाडौं कार्तिक १९,
मन्त्रिपरिषद्को आज बसेको आकस्मिक बैठकले जाजरकोट केन्द्रबिन्दु भई शुक्रबार राति गएको भूकम्पबाट घाइते भएकाहरूको सबै अस्पतालमा निःशुल्क उपचार गराउने निर्णय गरेको छ । जाजरकोट र रुकुम पश्चिममा गएको भूकम्पमा परी घाइते भएकाहरुको निःशुल्क उपचारको व्यवस्था गर्ने निर्णय गरेको स्वास्थ्य तथा जनसंख्यामन्त्री मोहन बस्नेतले जानकारी दिनुभयो ।
त्यस्तै बैठकले सरकारले भूकम्प प्रभावितका लागि प्राप्त हुने विदेशी सहयोग स्वीकार गर्ने निर्णयसंगै यसअघि भूकम्प प्रभावितका लागि राहत वितरणको क्रममा देखिएको कमिकमजोरीलाइलाइ सच्याउँदै प्रभावितको पहिचान, पुनर्स्थापनाका साथै खोज, उद्धार र राहत वितरणको क्रममा सजगता अपनाउँने र भूकम्पमा ज्यान गुमाएकाका परिवारलाई तत्काल २ लाख रुपैयाँ राहत दिने, क्षतिग्रस्त संरचनाको पुनर्निर्माण सुरु गर्ने निर्णय समेत गरेको छ।
त्यस्तै राष्ट्रिय विपद जोखिम न्यूनीकरण तथा व्यवस्थापन प्राधिकरणको बैठकमार्फत जाजरकोट भूकम्प पिडितको लागि राहत, उद्धार र पुनर्स्थापनाका साथै खोज, उद्धार संगै स्रोत व्यवस्थापनलगायत विविध विषयमा छलफल गर्ने भएको छ ।