प्रदेशसभा संसदीय दलको नेता थापाको राजीनामा
काठमाडौं असोज २७,
कोशी प्रदेशको आठौं काँग्रेस नेता मुख्यमन्त्रीमा संविधानको धारा १६८ को उपधारा ५ अनुसार केदार कार्की नियुक्त भएका छन् ।
कांग्रेस प्रदेशसभा सदस्य निर्वाचित भएका कार्कीले कांग्रेसकै निर्णयविरुद्ध विद्रोह गर्दै कांग्रेसका ८ प्रदेशसभा सदस्यसहित एमालेसँग मिलेर मुख्यमन्त्रीको दाबी पेस गरेकाहो ।
आज प्रदेश प्रमुख परशुराम खापुङले मुख्यमन्त्रीमा समर्थन गरेका प्रदेशसभा सदस्यहरूको सनाखत गर्ने क्रममा कार्कीको बहुमत पुगेपछि उनलाई मुख्यमन्त्रीमा नियुक्त गर्नुभएको हो । नवनियुक्त मुख्यमन्त्री कार्कीले पद तथा गोपनियताको शपथ आइतबार लिने छन् ।
मुख्यमन्त्रीमा माओवादी केन्द्रका इन्द्रबहादुर आङ्बो र नेपाली कांग्रेसका केदार कार्कीले ४७र४७ सांसदको समर्थन सहित मुख्यमन्त्रीको दाबी पेस गरेपछि प्रदेश प्रमुखले हस्ताक्षर सनाखत गर्ने निर्णय लिएको र सनाखतको क्रममा कार्कीले ४७ प्रदेश सभा सदस्यको समर्थन पुष्टि गरेसंगै उनलाई मुख्य मन्त्री नियुक्त गरिएको हो ।
यसैवीच नेपाली कांग्रेस कोशी प्रदेशमा देखिएको राजनैतिक उतारचढावसंगै संसदीय दलका नेता उद्धव थापाले पदबाट राजीनामा दिएका छन् । पार्टीका प्रदेश सभापति समेत रहेका थापाले संसदीय दलको नेताबाट आज राजीनामा दिनु भएको हो । नेपाली कांग्रेसका २९ जना प्रदेश सभा सदस्यमध्ये आठ जनाले कार्कीलाई समर्थन गर्दै पार्टी र प्रदेशसभा संसदीय दलको निर्णय विपरीत मुख्यमन्त्रीमा एमालेको सहयोगमा दावी गर्दै मुख्यमन्त्री समेत नियुक्त भएपछि थापाले नैतिकताका हिसाबले पदबाट राजीनामा दिएका हुन् ।
