काठमाडौ असोज २३,
गत असोज २० गते प्यालेस्टाइनको हमास लडाकु समूहले दक्षिण इजरायलको किबुज अलुमिम भन्ने स्थानमा गरेको आक्रमणमा परी मृत्यु भएका नेपाली विद्यार्थीको सम्झनामा आज राष्ट्रिय शोक मनाइँदैछ । सुदूरपश्चिम विश्वविद्यालयमा कृषि विज्ञान संकाय सकेर काम सिक्न इजरायल पुगेका ४९ विद्यार्थीमध्ये १० जनाको आक्रमणमा परी निधन भएको हो ।
सोमबार बसेको मन्त्रिपरिषद्को बैठकले आक्रमणमा परेर मृत्यु भएका १० नेपाली विद्यार्थीको दु स् खद् निधन प्रति हार्दिक श्रद्धाञ्जली व्यक्त गर्दै आज राष्ट्रिय शोकको घोषणा गरेको हो । यसका साथै राष्ट्रिय झन्डा आधा झुकाउने पनि मन्त्रिपरिषदले निर्णय गरेको छ । आज सरकारी कार्यालय र विदेशस्थित नेपाली दूतावास तथा कूटनीतिक नियोगमा राष्ट्रिय झन्डा आधा झुकाइने छ ।
सोमवार बसेको मन्त्रिपरिषद् बैठकले गरेको १ बुँदे निर्णय मा अकल्पनीय घटनामा दिवङ्गत हुनुभएका नेपालीहरुप्रति सम्मान व्यक्त गर्न २०८० असोज २३ गते राष्ट्रिय शोक घोषणा गरी देशभरका सरकारी कार्यालय र विदेशस्थित नेपाली नियोगहरुमा राष्ट्रिय झन्डा आधा झुकाउने निर्णय गरेको हो ।
