काठमाडौं असोज १५,
मौसम पूर्वानुमान महाशाखाले देशभर आंशिकदेखि सामान्य बदली भई काठमाडौं उपत्यकासहित देशका विभिन्न भूभागमा बिहानैदेखि वर्षा भइरहेको जनाएकोछ । छ । महाशाखाले नेपालमा हाल भारतको बिहार र पश्चिम बंगाल आसपासको क्षेत्रमा रहेको न्यून चापीय क्षेत्रकोसमेत प्रभावसंगै मनसुनको न्यून चापीय रेखा सरदर स्थानमा अवस्थित रहेका कारण मौसमा उतारचढाव देखिएको जनाएको छ ।
त्यस्तै महाखाले आज दिउँसो कोशी, मधेस, बागमती, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा मेघगर्जन र चट्याङ्सहित मध्यम वर्षाको संभावना संगै कोशी, मधेस र लुम्बिनी प्रदेशका एकाध स्थानमा भारी वर्षाको सम्भावना रहेको जनाएको छ ।
त्यस्तै मंगलबार र बुधबार पनि सबै प्रदेशका केही स्थानमा मेघगर्जन र चट्याङ्सहित वर्षाको संभावना रहेको जनाउँदै कोशी, मधेस, बागमती, गण्डकी र लुम्बिनी प्रदेशका केही स्थान र बाँकी प्रदेशका थोरै स्थानमा वर्षाको सम्भावना रहेको जनाएकोछ ।
