काठमाडौं भाद्र २७,
नेपाल प्रहरीको केन्द्रीय अनुसन्धान ब्युरोले ६० किलो सुन तस्करी प्रकरणको अनुसन्धान प्रतिवेदन आज जिल्ला सरकारी वकिल कार्यालय काठमाडौंलाई बुझाउने भएको छ ।
सीआईबीले संगठित अपराधमा अनुसन्धान गरिरहेको ६० दिनभित्र मुद्दा बुझाउनुपर्ने समयसीमाका कारण आज जिल्ला सरकारी वकिल कार्यालय काठमाडौंलाई रायसहितको प्रतिवेदन बुझाउन लागेको हो ।
प्रस्तुत प्रकरणमा प्रहरीले पक्राउ परेका ३० र केहीलाई फरार सूचीमा राखेर आज प्रतिवेदन बुझाएपनि थप अनुसन्धान पनि जारी राख्ने तयारी गरको थाहा भएको छ ।
६ जना चिनियाँ र तीनजना चिनियाँ मूलका नागरिकसहित नेकपा माओवादी केन्द्रका उपाध्यक्ष कृष्णबहादुर महराका छोरा राहुललाई पनि विपक्षी बनाएर अभियोजन लैजाने तयारी रहेको सीआईबी स्रोतले जनाएको छ ।