काठमाडौं भाद्र २६,
मौसम पूर्वानुमान महाशाखाले आज देशभर आंशिकदेखि सामान्य बदली भई काठमाडौं उपत्यका सहित कोशी, बागमती र गण्डकी प्रदेशका थोरै स्थान तथा बाँकी प्रदेशका एकाध स्थानमा हल्का वर्षा भइरहेको जनाएको छ ।
त्यस्ते महाशाखाले हाल मनसुनको न्यून चापीय रेखा र भारतको मध्य प्रदेश र आसपासको क्षेत्रमा रहेको न्यून चापीय प्रणालीकोको समेत आंशिक प्रभाव रहेका कारण आज दिनभरजसो नै पानी पर्ने सम्भावना रहेको जनाउँदै जनाएको छ ।
साथै महाशाखाले बुधवार र विहिवार पनि वर्षाको सम्भावना रहेको पूर्वानुमान सहित बुधवार बागमती, गण्डकी र लुम्बिनी प्रदेशका एकाध स्थानमा मेघगर्जन र चट्याङ्सहित भारी वर्षाको पूर्वानुमान गरेको छ । त्यस्तै साथै बिहीबार राति बागमती र गण्डकी प्रदेशका एक दुई स्थानमा मेघगर्जनरचट्याङ्सहित भारी वर्षाको सम्भावना रहेको जनाएको छ ।
