काठमाडौं भाद्र २६,
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा अध्यक्ष एवं नेकपा एमालेका उपाध्यक्ष सुवास नेम्वाङको अप्रत्यासित निधनले आफू मर्माहत र स्तब्ध भएको जनाएका छन् ।
सामाजिक सञ्जाल ट्वीटरमार्फत उनले नेम्वाङको निधनले स्तब्ध भएको उल्लेख गर्दै उनको आत्माको चिरशान्तिको कामना र शोकाकुल परिवारजनमा समवेदना व्यक्त गरेका छन् ।
नेकपा एमालेका उपाध्यक्ष एवं संविधासभा अध्यक्ष सुवास नेम्वाङजीको निधनले स्तव्ध भएको छु। उहाँको आत्माको चिर शान्तिको कामना गर्दै शोकसन्तप्त परिवारजनमा गहिरो समवेदना व्यक्त गर्दछु। pic.twitter.com/jE5BUI53HV
— Sher Bahadur Deuba (@SherBDeuba) September 12, 2023
नेम्वाङको गएराति हृदयघातका कारण निधन भएको हो । मध्याह्न १२ बजेपछि श्रद्धाञ्जलीका लागि नेम्वाङको पार्थिव शरिरलाई एमाले पार्टी कार्यालय च्यासलमा राखिने छ ।