काठमाडौं भाद्र २४ ,
आज नेपालका प्रथम जननिर्वाचित प्रधानमन्त्री तथा राजनीतिका शीर्ष व्यक्तित्व विश्वेश्वरप्रसाद कोइरालाको विभिन्न कार्यक्रमको आयोजना गर्दै ११० औ जन्मजयन्ती मनाइँदै छ । यसैक्रममा काँग्रेस मुख्यालयमा आजदेखि तीन दिनसम्म वीपी साहित्य महोत्सव, २०८० आयोजना हुँदैछ ।
विक्रम संवत १९७१ भाद्र २४ गते जन्मनुभएका कोइरालाले मुलकमा प्रजातन्त्र स्थापनाको लागि तत्कालीन जहानियाँ राणा शासनको विरोधसंगै प्रजातन्त्रको स्थापनाका लागि कठोर संघर्ष वर्तमानमा पनि उत्तिकै महत्वपूर्ण दस्तावेज सावित हुँदै आएको छ । त्यस्तै राष्ट्रियता, प्रजातन्त्र र समाजवादको सिद्वान्तलाई आत्मसात गरी आफ्नो राजनीतिक यात्रामा राष्ट्रिय मेलमिलापको नीतिलाई सर्वोपरी मानेका कोइरालाको योगदान संस्मरणिय रहिआएकोछ ।
२०१५ सालको आमनिर्वाचनमा काँग्रेसले दुई तिहाई बहुमत प्राप्त गरेपछि बीपी प्रथम जननिर्वाचित प्रधानमन्त्री बन्नुभएको थियो । विसं २०१७ साल पुस १ गतेको राजा महेन्द्रको कदम पश्चात् जननिर्वाचित सरकार अपदस्त गरेर कोइराला लगागतका नेतालाई कुनै मुद्दा बिना नै आठ वर्ष सुन्दरीजल बन्दी गृहमा बन्धक बनाइएको थियो ।
अपदस्त गरेर कोइराला लगागतका नेतालाई कुनै मुद्दा बिना नै आठ वर्ष सुन्दरीजल बन्दी गृहमा बन्धक बनाइएको थियो । विसं २०२५ मा स्वास्थ्य परीक्षणका लागि जेल मुक्त हुनुभएपछि कोइराला तत्पश्चात् लामो समयसम्म निर्वासनमा बस्नुभइ ८ वर्षपछि भारतमा निर्वासित जीवन विताउँदै २०३३ सालमा मुलकमा देखिएको अनिष्ट समाप्तिका लागि राष्ट्रिय मेलमिलाप नीतिका साथ स्वदेश फकर्नुभएको थियो त्यस्तै उहाँको क्यान्सर रोगबाट २०३९ साउन ६ गते निधन भएको थियो ।
त्यस्तै नेपाली साहित्यका क्षेत्रमा पनि महत्वपूर्ण योगदान पु९याउनुभएका कोइरालाको नेपाली साहित्यक्षेत्रमा पनि दर्जनौ कृति प्रकाशित छन् । कोइरालाका ‘तीन घुम्ती’, ‘मोदी आइन’, ‘हिटलर र यहुदी’, ‘सुम्निमा’, ‘नरेन्द्रदाइ’, एवम् बावु आमा र छोरा’ गरी छ उपन्यास प्रकाशित छन् । त्यसैगरी दुई कथासङ्ग्रह ‘श्वेत भैरवी’ र ‘दोषी चश्मा’, हरिप्रसाद शर्माको सम्पादनमा ‘विश्वेश्वरप्रसाद कोइरालाका कथा र कविता’, प्रकाशित रहेका छन ।