काठमाडौं भाद्र २३,
प्रधानमन्त्री प्रचण्डले योङ्ग कम्युनिस्ट लीग नेपाल अजिरकोट गाउँपालिकाको दोस्रो सम्मेलनलाई सम्बोधन माओवादी केन्द्रलाई जनताको पार्टीको रुपमा स्थापित गर्ने बताउनु भएको छ । सम्बोधनको क्रममा प्रधानमन्त्री प्रचण्डले अहिले हामी पार्टी पुनर्निर्माण गर्ने अभियानमा रहेको जना संगै ठूलो त्याग तपस्याबाट प्राप्त परिवर्तन र उपलब्धिलाई रक्षा गर्न पनि यो अभियान सफल पार्न जरुरी रहेको बताउँनुभयो ।
त्यस्तै अहिले आफूले लिएको सरकारको नेतृत्वको अवसरलाई उहाँले चुनौतीपूर्ण अवसरको संज्ञा दिदै सरकारले सामाजिक सुरक्षा कोषको अभियान,पासपोर्ट र यातायातमा देखिएका लाइन हटाउने अभियान र भ्रष्टाचार विरोधी अभियान चलाएर नयाँ परिवर्तन सुरूवात गरिसकेको बताउनु भयो ।
साथै मुलकमा सुशासन र समृद्धिलाई प्राथमिकता दिंएर सरकार अगाडि बढेको बताउँनुहुँदै प्रधानमन्त्रीले बुढिगण्डकी जलविद्युत आयोजनाको काम सुरुवात गरिएको, कर्णाली चिसापानी जस्तो गेम चेन्ज आयोजना समेत सुरूवात गरिएको बताउँदै आफ्नो चीन भ्रमणको क्रममा नेपालको विकास र देशको उत्तरी क्षेत्रका नाका खोल्ने लगायतका एजेन्डाको सम्बोधन हुने बताउनु भयो ।
