काठमाडौं भाद्र २३,
दाङबाट बर्दिया जाँदै गरेको ना ७ ख २३२१ नम्बरको रिजर्भ यात्रुबस बाँकेको शमशेरगन्ज राजमार्गमा रोकिराखेको ट्रकमा यात्रुबाहक बस ठोक्किदा सात जनाको घटनास्थलमानै मृत्यु भएको प्रहरीले जनाएको छ । प्रहरीका अनुसार मृत्यु हुने सबै बसका यात्रु रहेको जनाउँदै उक्त दुघटृनामा २९ जना घाइते भएको जनाएको छ ।
ना ८ ख ६४०५ नम्बरको ट्रकमा शुक्रबार राति सवा ९ बजे बस ठोक्किएको जानकारी दिदै बाँके प्रहरीले दुर्घटनामा बसका चालक र सहचालकसहित सात जनाको मृत्यु भएको जानकारी दिए ।
त्यस्तै दुर्घटनामा मृत्यु भएकाहरुमा बर्दियाको ठाकुरबाबा नगरपालिका-९ का ५० वर्षका काशीराम थारु, ५५ वर्षीया कस्तुरी थापा, ५५ वर्षीया रुपा परियार, ४० वर्षीया जयन्ती थारु, ६० वर्षीय सानुराम थारु, चालक ४५ वर्षीय जुगबहादुर चन्द, सहचालक रहेको र निजको नाम नखुलेको जनाउँदै घाइतेहरुको बाँकेको कोहलपुर शिक्षण अस्पतालमा उपचार भइरहेको जानकारी दिएका छन ।
