काठमाडौं भाद्र २३,
नेपाली कांग्रेसको भ्रातृ संस्था नेपाल तरुण दलले पार्टीका सहमहामन्त्री महेन्द्र यादवमाथि बुधवार भृकुटीमण्डपस्थित रिपोर्टर्स क्लबको अन्तरक्रिया कार्यक्रमबाट बाहिरिने क्रममा भएको आक्रमणको विरोध गरेको छ । टाउको र गर्धनमा चोट लागेका यादवको राष्ट्रिय ट्रमा सेन्टरमा उपचार भइरहेको छ । आक्रमणमा संलग्न नुवाकोटका श्यामबहादुर सापकोटा प्रहरी नियन्त्रणमा छन् ।
तरुण दलले पार्टीका सहमहामन्त्री एवं तरुण दलका पूर्वअध्यक्ष यादवमाथि भएको आक्रमणको विरोधमा रत्नपार्कमा विरोध प्रदर्शन गरेको हो । विरोध प्रदर्शनमा दलका अध्यक्ष विद्वान गुरुङलगायत तरुण दलका बहुसख्यक नेताहरूको सहभागिता रहेको थियो । नेपाल तरुण दलले गणेशमान शान्ति बाटिकाबाट रत्नपार्क, पुतलीसडक, प्रदर्शनी मार्ग, भद्रकाली हुँदै पुनः शान्ति बाटिका रत्नपार्कसम्म विरोध सभामा गरेको थियो ।
सभालाइ सम्बोधन गर्दै तरुणका नेताहरूले शान्ति सुरक्षाको प्रत्याभूति गर्न सरकारसँग माग गर्दै गृहमन्त्री नारायणकाजी श्रेष्ठको राजीना सहित सरकार विरोधी नारावाजी गरेका थिए । प्रदर्शनको क्रमा तरुण नेताहरुले तरुण कार्यकर्ताले ‘नारायणकाजी मतियार, ज्ञानेन्द्रको हतियार’, ‘पक्षपाती प्रहरी प्रशासन मुर्दावाद’ जस्ता नाराबाजी गरेका थिए ।