काठमाडौ भाद्र १८,
एसिया कप क्रिकेट अन्र्तगत आज नेपाल र भारतवीच दोस्रो खेल हुने भएको छ। यसअघि उद्घाटन खेलमा आयोजक पाकिस्तानले नेपाललाई दुई सय ३८ रनले पराजित गरेको थियो । पाकिस्तानसंग पराजित नेपालका लागि विश्वविजेता भारतसँगको भिडन्त पक्कै पनि सहज छैन।
यद्यपी एसिया कपमा नेपालले खेल्न पाउनु नै ठुलो उपलब्धि मान्नु पर्ने हुन्छ । नेपाल र भारतबीच श्रीलङ्काको पालेकेले अन्तर्राष्ट्रिय मैदानमा हुने आजको खेलमा नेपाली क्रिकेटरले भारतविरुद्ध कम्तीमा टक्करको खेल खेल्ने अपेक्षा आम नेपाली समर्थकले गरेका छन् । यसअघि समूह ‘ए’ बाट पाकिस्तान सुपर फोरमा पुगिसकेको छ । भारत एक अङ्कमा छ भने नेपाल अङ्कविहीन रहेको छ ।