काठमाडौं भाद्र १७,
नेपाल सरकारले आसन्न संविधान दिवसलाई विविध रचनात्मक कार्यक्रमसहित ३ दिने विशेष कार्यक्रम सहित मनाउने निर्णय गरेको छ। आइतबार बिहान सिंहदरबारमा प्रधानमन्त्री प्रचण्डको अध्यक्षतामा बसेको संविधान दिवस मूल समारोह समितिको बैठकले यस्तो निर्णय गरेको हो ।
बैठकको निर्णय अनुसार असोज २ गते विशेष संवाद, जनचेतनामूलक कार्यक्रम, संविधान दिवस विशेषांक प्रकाशन, अन्तर्क्रिया, दीपावलीलगायतका कार्यक्रम हुनेछन् भने असोज ३ गते सैनिक मञ्च टुँडिखेलमा संविधान दिवस विशेष समारोह गर्ने, विभिन्न मठ, मन्दिर, गुम्बा, धार्मिक एवं सांस्कृतिक संघसंस्था, शैक्षिक प्रतिष्ठानहरूमा संविधान दिवस बनाउने र साँझ दीप प्रज्वलन गर्नेलगायतका कार्यक्रम हुनेछन्।
त्यस्तै गरि असोज ४ गते जागरणमूलक कार्यक्रमका साथै दीप प्रज्जवल गर्ने र नेपालस्थित नेपाली दूतावास, कूटनीतिक नियोग तथा वाणिज्य दूतावासका साथै उपत्यका बाहिर पनि विविध कार्यक्रमको आयोजना गर्ने कार्यसूची तय गरिएको छ।
