काठमाडौं भाद्र १७,
काठमाडौंको पेप्सीकोलामा बसले तीनवटा सवारीसाधनलाई ठक्कर दिँदा एक जनाको मृत्यु भएको छ । उक्त दुर्घटनामा पाँच जना घाइते भएका छन् ।
पेप्सीकोलाबाट जडिबुटीतर्फ जाँदै गरेको बा ३ ख ४८४८ नम्बरको बसले आज बिहान पौने आठ बजेको समयमा बा ६ च ५३४२ नम्बरको बोलेरो जिप‚ बा प्र ०२-०४१ प ४८३८ नम्बरको मोटरसाइकल र बाप्र ०२-०३७ प ५३११ नम्बरको स्कुटरलाई ठक्कर दिएको हो ।
बसले जिप‚ मोटरसाइकल र स्कुटरलाई एकैपटक ठक्कर दिएको जानकारी दिदै प्रहरीले दुर्घटनामा मोटरसाइकल चालक सर्लाहीका २१ वर्षीय राज भट्टराईको सिभिल अस्पतालमा उपचारको क्रममा मृत्यु भएको हो । अन्य घाइतेहरुलाई उपचारका लागि वीर अस्पताल लगिएको प्रहरीले जनाएको छ।
