काठमाडौं साउन १७,
सत्तारुढ नेकपा माओवादी केन्द्रको केन्द्रीय समिति बैठक सुरु भएको छ । कमलादीस्थित प्रज्ञा प्रतिष्ठानको भवनमा दिउँसो १ बजेपछि बैठक सुरु भएको हो । पार्टी अध्यक्ष एवं प्रधानमन्त्री पुष्पकमल दाहालले आठौं केन्द्रीय समितिको चौथो पूर्ण बैठक औपचारिक रुपमा प्रारम्भ भएको घोषणा गरेसंगै केन्द्रीय समिति बैठक सुरु भएको हो ।
बैठकमा अध्यक्ष दाहालले राजनीतिक र सांगठनिक प्रतिवेदन पेस गर्ने कार्यसूचीसंगै बैठकले सरकारको कामकारबाहीका बारेमा पनि समीक्षा गर्ने कार्यसूची रहेको छ । यसैवीच केन्द्रीय समिति बैठकअघि आज बिहान बसेको पदाधिकारी र स्थायी समिति बैठकले विधान संशोधन गरेर केन्द्रीय सदस्य थप गर्ने निणर्य गरेको थियो । प्रस्तुत निर्णयसंगै माओवादी केन्द्रको मौजुदा तीन सय ८५ पूर्ण केन्द्रीय सदस्यको सख्या बढ्ने भएको छ।