काठमाडौ साउन १७,
आज देखि सत्तारुढ नेकपा माओवादी केन्द्रको केन्द्रीय समिति बैठक राजधानीमा सुरु हुँदैछ । तीन सय ८५ पूर्ण केन्द्रीय सदस्य, एक सय ९८ बैकल्पिक केन्द्रीय सदस्य, तीन आयोगका सदस्य ७५ र १० प्रदेशका पदाधिकारी एक सय जना सहभागी हुने बैठकको पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’ले बैठकको उद्घाटन गर्ने कार्यक्रम छ । बैठकमा अध्यक्ष दाहालले राजनीतिक र साङ्गठिनक प्रतिवेदन पेस गर्ने कार्यसूची तय भएको माओवादी केन्द्रीय मुख्यालयले जनाएकोछ ।
त्यस्ते बैठकमा मुलत नेताहरूको जिम्मेवारी बाँडफाँट संगै सङ्गठन विस्तारका लागि तीन महिने अभियान घोषणा, विधान तथा विशेष महाधिवेशनको तयारी , । सरकारको कामकारबाहीको समीक्षासंगै पछिल्लो समय सरकारले शुरु गरेको सुशासन प्रवर्द्धन र भ्रष्टाचार नियन्त्रणको विषयमा समेत छलफल हुने बताइएकोछ ।
त्यस्तै माओवादीले केन्द्रीय केन्द्रीय समिति बैठक पार्टी अध्यक्ष दाहालको फेसबुक पेजबाट प्रत्यक्ष प्रसारण गर्ने तयारी समेत गरेको थाहा भएको छ । तर पदाधिकारी बैठक निर्णय प्रति केन्द्रीय सदस्यहरूले आपत्ति जनाएपछि आज बिहान बस्ने स्थायी समिति बैठकले प्रत्यक्ष प्रसारणको विषयमा अन्तिम निर्णय लिने पार्टीले जनाएको छ ।