काठमाडौं साउन १६,
नेपाल आयल निगमले खाना पकाउने एलपी ग्यासको मूल्य प्रति सिलिण्डर १३० रुपियाँले घटाएको छ । यसैगरी, पेट्रोल ९ र डिजेल तथा मट्टितेलको मूल्य प्रतिलिटर ७ रुपैयाँले बढेको निगमका प्रवक्ता मनोजकुमार ठाकुरले जानकारी दिएका छन ।
इन्धनमा सरकारले लागु गरेको स्वचालित मूल्य निर्धारण प्रणाली अनुसार इन्डियन आयल कोर्पोरेसनबाट प्राप्त इन्धनको मूल्य सूची अनुसार अब ग्यास प्रति सिलिन्डर एक हजार ६६०, पेट्रोल प्रतिलिटर १७३ र डिजेल र मट्टितेल १५३ पुगेको छ । भने हवाई इन्धनको मूल्य यथावत राखिएको निगमले जनाएको छ ।