काठमाडौं साउन ६,
आज नेपाली काँग्रेसका संस्थापक एवं देशको प्रथम जननिर्वाचित प्रधानमन्त्री बीपी कोइरालाको ४१औँ स्मृति दिवस आज देशभर विभिन्न कार्यक्रमका साथ मनाइँदैछ । मुलुकको प्रजातान्त्रिक आन्दोलमा बीपी कोइरालाको योगदानको स्मरण आफैमा महत्वपूर्ण रहेको छ। नेपाली काँग्रेसको संभीय राजधानी काठमाडौंमा केन्द्रीय समितको बैठक जारी रहेको अवसरमा मनाइदै गरेको बीपी स्मृति दिवसले मुलक र सिङ्गो काँग्रेसवृतमा उहाँको सोच कार्यान्वयन गर्ने नयाँ उर्जा सञ्चार हुने अपेक्षा गरिएको छ ।
स्मृति दिवसको अवसरमा देशैभर वक्षरोपण कार्यक्रम सतिका विभन्न कार्यक्रमको आयोजना गर्न काँग्रेस केन्द्रीय समितिले मातहतका संगठनलाइ सर्कुलर समेत गरेको छ ।
विसं १९७१ सालभाद्र २४ गते भारतको बनारसमा जन्मेका कोइरालाको क्यान्सर रोगका कारण २०३९ साल श्रावण ६ गते आजकै दिन निधन भएको थियो । २००७ सालमा १०४ बर्षीय जहानीया राणशासनबिरुद्ध जनक्रान्तीको नेतृत्व गर्दै मुलकुमा प्रजातन्त्र स्थापनाका लागि महत्वपूर्ण योगदान गर्नु भएको थियो ।
मुलुकको परिवर्तनमा मात्र नभएर भारतीय स्वतन्त्रताको आन्दोलनमा समेत सहभागी कोइराला नेपालको प्रजातान्त्रिक आन्दोलनका एक आर्दश एवम् धरोहर मानिन्छ । उहाँ २०१५ सालमा भएको पहिलो संसदीय चुनावपछि पहिलो जननिर्वाचित प्रधानमन्त्री बन्न सफल भएका थिए ।
तर कोइरालाको जननिर्वाचित सरकारले १८ महिना पनि बिताउन नपाउँदै तत्कालीन राजा महेन्द्रले सेनाको शक्तिका भरमा सत्ताच्युत गरी कोइरालालगायत नेतालाई जेल हाल्नुभयो । विसं २०१७ पुस १ गते जननिर्वाचित प्रधानमन्त्री कोइराला, संसद्का सभामुख कृष्णप्रसाद भट्टराई, मन्त्री गणेशमान सिंहलगायत नेतालाई केही महिना सिंहदरबार र त्यसपछि सुन्दरीजल बन्दी गृहमा बन्दी बनाइएको थियो ।
मृत्युदण्ड सहितको मुद्दाको पनि कुनै पर्वाह नगरी ०३३ सालमा भारतवाट मेलमिलापको निती सहित स्वदेश फर्किका बीपीले २०१७ सालमा खोसिएको प्रजातन्त्रको पुनः प्रजातन्त्र स्थापनामा सक्रिय रहँदारहँदैको अवस्थामा २०३९ श्रावण ६ गते उहाँको दुःखद निधन भएको थियो ।
बहुआयामिक प्रतिभाका धनी एवम् मनोविश्लेषणवादी साहित्यकारकारुपमा समेत परिचित बीपीका ‘तीन घुम्ती’, ‘सुम्निमा’,‘मोदी आइन’, ‘आफ्नो कथा’, ‘जेल जर्नल’, ‘हिटलर र यहुदी’ ‘नरेन्द्र दाइ ’लगायत साहित्क्किृती उहाके जेल जीवनलगायत विषयमा उहाँसँग गरिएको कुराकानीमा आधारित ‘आत्मवृतान्त’ सुन्दरीजल बन्दी गृहमा लेखिएको दैनिकी ‘फेरि सुन्दरीजल’ पुस्तक बहुचिर्चित रहेका छन ।
यसैवीच बीपी स्मृति दिवसका अवसरमा आज सुनसरीको इनरुवामा कांग्रेस सभापति तथा पूर्वप्रधानमन्त्री शेरबहादुर देउवाले उहाँको पूर्णकदको सालिक अनावरणको कार्यक्रम समेत रहेको थहा भएको छ।
