काठमाडौं असार ५,
विशेष अदालतले आन्तरिक राजस्व विभागका तत्कालीन महानिर्देशक चूडामणि शर्मा र कर फर्छ्यौट आयोगका पूर्वअध्यक्ष लुम्बध्वज महत र सदस्य उमेश ढकाललाई जनही ९ वर्ष कैद र ४ अर्ब १० करोड बिगो तथा जरिवाना सजायको फैसला गरेको छ ।
विशेष अदालतका अध्यक्ष न्यायाधीश श्रीकान्त पौडेल, सदस्य न्यायाधीशहरू यमुना भट्टराई र शालिग्राम कोइरालाको इजलासबाट भएको बिगो तथा जरिवाना सजाय अनुसार जनही ४ अर्ब १० करोड जरिवाना सहित अध्यक्ष लुम्बध्वज महतलाई ९ वर्ष एक महिना कैद तथा ढकाल र शर्मालाई ९ नौ वर्ष कैद तोकेको प्रवक्ता दीपेन्द्र योगीले जानकारी दिएका छन् ।
यअघि विभिन्न व्यापारीलाई अनियमित तरिकाले कर छुट दिएको अख्तियारको आरोपसहित २०७४ साल असारमा उनीहरूविरूद्ध १० अर्ब ९६ करोड रुपैयाँ भ्रष्टाचार गरेको भन्दै विशेष अदालतमा दायर मुद्दाको सनवाइ गर्दै गैरकानुनी सम्पत्ति आर्जन गरेको मुद्दामा सफाइ दिएपनि राजस्व चुहावट गरी भ्रष्टाचार गरेको भन्दै अख्तियारले दायर गरेकाअर्को मुद्दामा उनीहरूलाई गत जेठ १८ गते दोषी ठहर गरी आज सजाय सुनाइएको हो ।
