काठमाडौं असार ५,
गत शनिबार राति अचानक स्वास्थ्य अवस्था असामान्य बनेपछि अस्पताल भर्ना हुनु भएका राष्ट्रपति रामचन्द्र पौडेलको मुटुमा स्थायी पेसमेकर राखिएको छ ।
महाराजगन्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा उपचाररत पौडेलको मंगलबार दिउँसो मुटुमा पेसमेकर राखिएको अस्पतालका कार्यकारी निर्देशक डा. रत्नमणि गजुरेलले विज्ञप्तिमार्फत जनाएका छन् ।
उनले ७२ घण्टाको नियमित निगरानीपछि मुटुको चाल बेला बखतमा कम देखिएकाले विशेषज्ञहरूको सल्लाहबमोजिम स्थायी पेसमेकर राखिएको जनाए । उनका अनुसार पेसमेकरले मुटुको चाल बनाइराख्ने काम गर्छ ।
अस्पतालका अनुसार उहाँको स्वासथ्य अवस्था सामान्य रहेको जनाएका छ । यसअघि गत मंगलबार हिद गंगालाल राष्ट्रिय हृदय केन्द्र बाँसबारीमा राष्ट्रपति पौडेलको एन्जिओप्लास्टी गरेर बन्द भएको मुटुको नशा खुलाइएको थियो ।
