सङ्खुवासभाको हेवाखोलामा गएराति आएको बाढीले पुर्याएको क्षतिबारे प्रधानमन्त्रीको ध्यानाकर्षण
काठमाडौं असार ३,
प्रधानमन्त्री पुष्पकमल दाहालले देशका विभिन्न जिल्लामा बाढीपहिरोका कारण भएको जनधनको क्षतिप्रति दुःख व्यक्त गरेका छन् । आइतबार बिहान सामाजिक सञ्जालमार्फत प्रधानमन्त्री दाहालले बाढीपहिरोले पुर्याएको क्षतिप्रति दुःख व्यक्त गर्नु भएकोहो ।
प्रम प्रचण्डले सञ्जालमा ‘देशका विभिन्न जिल्लामा बाढीपहिरोका कारण भएको धनजनको क्षतिप्रति गहिरो दुस्ख व्यक्त गर्दछ,’ प्रधानमन्त्री दाहालले भनेका छन्, ‘साथै, बेपत्ताहरूको खोजी, उद्दार एवं राहतमा सक्रियतापूर्वक लाग्न सुरक्षा अंग र राष्ट्रसेवक कर्मचारीहरूलाई निर्देशित गर्दै आ–आफ्नो ठाउँबाट सहयोगका लागि आम जनसमुदायमा हार्दिक अपिल गर्दछु ’ लेखेका छन ।
त्यस्तै उहाँले बाढीपहिरोमा परी बेपत्ता भएकाहरुको खोजी, उद्धार एवं राहतका लागि सक्रिय रुपमा लाग्न सुरक्षाकर्मी, राष्ट्रसेवक कर्मचारीहरुलाई निर्देशन दिएका छन् । साथै आ–आफ्नो ठाउँबाट सहयोग गर्न आम जनसमुदायलाई समेत अपिल गर्नुभएको छ।
स्मरण रहोस, अविरल वर्षासँगै गएराति आएको बाढीका कारण कोशी प्रदेशका विभिन्न जिल्ला प्रभावित भएका छन् । ताप्लेजुङ, पाँचथर र संखुवासभामा बाढीले ठूलो जनधनको क्षति भएको छ । ताप्लेजुङमा चार, पाँचथरमा ६ तथा संखुवासभामा १६ जना बेपत्ता भएका छन् ।
यसैवीच सङ्खुवासभाका प्रतिनिधिसभा सदस्य दीपक खड्का नेतृत्वको टोलीले आज बिहान प्रधानमन्त्री दाहाललाई सङ्खुवासभाको हेवाखोलामा गएराति आएको बाढीले पुर्याएको क्षतिबारे प्रधानमन्त्री पुष्पकमल दाहालको ध्यानाकर्षण गराइएको छ ।
ध्यानाकर्षणको क्रममा प्रधानमन्त्री दाहालले बाढी पहिरोबाट भएको धनजनको क्षतिप्रति दुःख व्यक्त गर्दै बाढीपहिरोमा परी बेपत्ता भएकाहरुको खोजी, उद्धार एवं राहतका लागि सक्रिय रुपमा लाग्न सुरक्षाकर्मी, राष्ट्रसेवक कर्मचारीहरुलाई निर्देशन दिनुभएको हो ।