काठमाडौं जेठ ३०
राष्ट्रपति रामचन्द्र पौडेललाई गंगालाल राष्ट्रिय हृदयरोग केन्द्रमा भर्ना गरिएको छ । दम र ग्यास्ट्रिकबाट पीडित पौडेललाई छाती दुख्ने समस्या देखिएसंगै आज बिहान ७ बजे उहाँलाइ काठमाडौंको बाँसबारीस्थित गंगालाल राष्ट्रिय हृदयरोग केन्द्रमा भर्ना गरिएको हो ।
पौडेललाई अस्पतालको भीआईपीतर्फ ६ नम्बर क्याबिनको २५४ नम्बर बेडमा राखेर मुटुको परीक्षण गरिएको छ । अस्पतालका निर्देशक डा. चन्द्रमणि अधिकारीसहितको टोलीले स्वास्थ्य परीक्षण गरिरहेको बताइएको छ ।
यसअघि उनको फोक्सोमा समस्या देखिएपछि गत वैशाखको पहिलो साता भारतको नयाँदिल्लीस्थित एम्स अस्पतालमा उपचार गरिएको थियो ।