काठमाडौं जेठ ३० ,
जनमुक्ति सेना नेपालका अध्यक्ष लेलिन बिष्टसहितले प्रधानमन्त्री पुष्पकमल दाहाल र पूर्वप्रधानमन्त्री बाबुराम भट्टराईविरुद्ध सर्वोच्च अदालतमा दायर रिटमाथि आज सुनुवाइ हुँदैछ ।
माओवादीले सञ्चालन गरेको सशस्त्र द्वन्द्वको क्रममा बाल सेना दुरुपयोग लगायतका जिकिर सहित दायर गरेको रिटमाथि आज सुनुवाइ हुन लागेको हो ।
त्यस्तै दायर रिठ निवेदनमा द्वन्द्वको समयमा आफूहरुलाई बाल सेना बनाएर प्रवेश गराएको र पछि बेवास्ता गरेको भन्दै माओवादी केन्द्रका अध्यक्ष समेत रहेका प्रधानमन्त्री प्रचण्ड र पूर्व प्रधानमन्त्री भट्टराईमाथि कारबाहीको माग गरिएको छ ।
त्यस्तै तत्काल आफूहरुलाई बालसेनाको पहिचान दिएर परिपूरण, क्षतिपूर्ति, न्यायलगायका काम कारबाही गुर्न गराउन भनी अन्तरिम आदेशको माग समेत गरेका छन् ।