काठमाडौं जेठ २,
नक्कली भुटानी शरणार्थी प्रकरणमा पक्राउ पूर्जी जारी भएका नेपाली कांग्रेसका पूर्वसभासद आङतावा शेर्पाले प्रहरीमा आत्मसमर्पण गरेका छन् ।
रामेछापबाट २०७० सालमा सभासद निर्वाचित भएका पूर्वसभासद शेर्पाले आज केन्द्रीय अनुसन्धान ब्यूरो [सीआइबी]मा पुगेर आत्मसमर्पण गरेको हो । उनले यसअघि शरणार्थी प्रकरणका एक नाइके सानु भण्डारीलाई हिरासतमै गएर भेटेका थिए । आइतबार पक्राउ पूर्जी जारी भएसंगै उनी सम्पर्कविहीन भएको बताइएको थियो ।
त्यस्तै यही प्रकरणमा पक्राउ पूर्जी जारी भएका पूर्वगृहमन्त्री रामवहादुर थापाका छोरा प्रतीक थापा र इन्द्रजित राईका छोरा भने अझै फरार रहेका छन ।