काठमाडौं बैशाख १९,
अख्तियार दुरुपयोग अनुसन्धान आयोगले यातायात व्यवस्था कार्यालय, सुकेधारास्थित सवारी चालक अनुमतिपत्र कार्यालयका तत्कालीन उपसचिव सुन्दर भट्टराईविरुद्ध आज भ्रष्टाचारको अभियोग सहित मुद्दा दर्ता गरेकोछ ।
उपसचिव भट्टराईले सार्वजनिक सेवा प्रवेश गरेको मिति २०३८।०४।०१ गतेदेखि मिति २०७५ मंसिर मसान्तसम्मको अवधिमा निज र निजको एकासगोलको परिवार सदस्यको आय तथा आयस्रोत र व्ययको विश्लेषण गर्दै अनुसन्धानको क्रममा निजले अर्जन गरेको आयस्रोत अस्वभाविक रहेको पाएसंगै आयोगले निविरुद्ध १ करोड १५ लाख २९ हजार १९३ रुपैयाँ ७१ पैसा बिगो माग गर्दै विशेष अदालतमा मुद्दा दर्ता गरेको हो।
साथै आयोगले भट्टराईले आर्जन गरेको वैध आम्दानी १ करोड ९२ लाख एक हजार ९२२ रहेको जनाउँदै उनको आम्दानी र खर्चको हिसाब गर्दा उनको सम्पत्तिमध्ये १ करोड १५ लाख २९ हजार १९३ रुपैयाँको स्रोत नखुलेको आयोगले जनाएको छ ।
त्यस्ते भट्टराईले अवैध आर्जनको सम्पत्ति पत्नी मुना अधिकारी भट्टराई र छोरा उत्सुक भट्टराई, छोरी प्रेरिका भट्टराई संगै आमा इन्दिरा भट्टराईको नाममा राखिएको सम्पत्ति समेत जफत गर्न अख्तियारले माग गरेको छ।
