काठमाडौ असोज २९,
मौसम पूर्वानुमान महाशाखाले वर्ष २०७९ को गत जेठ २२ गते नेपालको पूर्वी भू–भागबाट प्रवेश गरेको मनसुन आजबाट क्रमशः बाहिरिँने क्रम शुरु भएको जनाएको छ । महाशाखाले आज साँझ जारी गरेको मनसुन बहिर्गमनसम्बन्धी विशेष मनसुन बुलेटिन मार्फत देशको प्रदेश नम्बर १ बाहेकका प्रदेशबाट मनसुन बाहिरिएको जनाएको हो ।
त्यस्तै जारी बुलेटिनमार्फत महाशाखाले देशको सुदूरपश्चिम, कर्णाली, लुम्बिनी, गण्डकी र मधेश प्रदेशको पश्चिमी भू–भागबाट बाहिरिने क्रम शुरु भएको र बाँकी भू–भागबाट मनसुन बहिर्गमन हुन अझै केही दिन लाग्ने जनाएको छ । साथै सरदरमा अक्टोबर २ तारिखका दिन नेपालबाट बाहिरिने मनसुन, यस वर्ष औसत मितिभन्दा केही दिन ढिलो गरी बहिर्गमन हुन सुरु भएको छ। मौसम पूर्वानुमान महाशाखाले आवश्यकताअनुसार विशेष मौसम बुलेटिन अद्यावधिक गर्ने पनि जनाएको छ ।
यसैवीच महाशाखाले आगामी ३ दिनको मौसम पूर्वानुमान अन्र्तगत २०७९ असोज २९ गते शनिबार राती देशको पहाडी भू(भागमा आंशिक बदली रही बाँकी भू(भागमा मौसम सामान्यतया सफा रहने जनाएको छ।
त्यस्तै असोज ३० गते आइतबार सुदूरपश्चिम र कर्णाली प्रदेशका पहाडी भू(भागमा आंशिक बदली रही बाँकी प्रदेशहरूमा आंशिक बदली देखि मौसम सामान्यतया सफा रहनुको अलावा सुदूरपश्चिम प्रदेश र कर्णाली प्रदेशका एकाध स्थानमा मेघ गर्जनरचट्याङ्ग सहित हल्का वर्षाको सम्भावना रहेको जनाएको छ।
असोज ३१ गते सोमबार पनि सुदूरपश्चिम र कर्णाली प्रदेशका पहाडी भू(भागमा आंशिक बदली रही बाँकी प्रदेशहरूमा आंशिक बदली देखि मौसम सामान्यतया सफा रहने र सुदूरपश्चिम प्रदेश र कर्णाली प्रदेशका एकाध स्थानमा मेघ गर्जनरचट्याङ्ग सहित हल्का वर्षाको सम्भावना औल्याएको छ ।