काठमाडौं चैत १५,
गत शुक्रवार देखि पार्टी मुख्यालयमा जारी नेपाली कांग्रेसको केन्द्रीय समितिको आज बसेको बैठकले आसन्न स्थानीय तहको निर्वाचनमा स्थानीय आवश्यकता अनुसार चुनावी गठबन्धन गर्ने निर्णय गरेको छ ।
त्यस्तै बैठकले उपसभापति पूर्णबहादुर खड्काको संयोजकत्वमा स्थानीय तह निर्वाचन केन्द्रीय परिचालन समिति र पार्टी प्रवक्ता डा प्रकाशशरण महतको संयोजकतत्वमा केन्द्रीय प्रचारप्रसार समिति गठन गरेको छ। त्यस्तै गठित समितिमा आवश्यकताअनुसार सदस्यहरुको मनोनयन गरिने बुझिएको छ ।
त्यस्तै बैठकले नेपाली कांग्रेसको विधान २०१७ [संशोधन सहित] को धारा २४ ९२० बमोजिम २०७८ फाल्गुण ३ गते सम्पन्न नेपाली कांग्रेस केन्द्रीय कार्यसम्पादन समितिको बैठकले गरेका निर्णयहरु अनुमोदन गरेको छ ।
त्यस्तै बैठकले स्थानीय तह निर्वाचन केन्द्रीत ‘घरघर जाऔं, कांग्रेस जिताऔं’ अभियानले नेपाली कांग्रेस पार्टीको विजयको आधारलाई थप व्यापक र मजवुत बनाउँदै लगेको ठहर सहित थप उत्साह साथ निर्वाचन अभियानमा जुट्न नेपाली कांग्रेस सम्पूर्ण पार्टी पंक्तिलाई हार्दिक अपिल समेत गरेको छ।
साथै कांग्रेसको विधान २०१७ ९संशोधन सहित० को धारा ४ बमोजिम देशव्यापी रुपमा नेपाली कांग्रेसको सदस्यता र नेपाली कांग्रेसको क्रियाशील सदस्यता वितरण प्रारम्भ गर्ने निर्णय समेत बैठकले गरेको छ ।