काठमाडौ असोज ७ ,
सशस्त्र प्रहरी बल , नेपाल प्रधान कार्यालयले ७९ प्रहरी निरीक्षक र ८३ जना सशस्त्र प्रहरी सहायक निरीक्षकका लागि भर्ना आवेदन खुल्ला गरेको छ । प्रहरीको मानव श्रोत विभाग , मानव श्रोतनिर्देशनालय भर्ना तथा छनौट शाखा स्वयम्भूले निर्देशनालय भर्ना तथा छनौट शाखा स्वयम्भूले प्रकाशित सूचनामा कात्तिक ६ गतेसम्म आवेदन फारम भर्ने समय तोक्दै नयाँ भर्ना सम्बन्धी आवेदन माग गरेको हो ।
सशस्त्र प्रहरी बल, नेपालमा रिक्त रहेको साधारण समूह , साधारण उपसमूह र कानुन उपसमूह तर्फ खुला प्रतियोगिताद्वारा पदपूर्तिका गर्न आवेदन माग गरेको जनाएको छ । प्रहरीले कात्तिक ६ गतेसम्म आवेदन फारम भर्ने समय तोकेको छ । 
माग गरिएका मध्ये सशस्त्र प्रहरी निरीक्षक साधारण उपसमूह ७१ जना र कानुन उपसमूहमा ८ जना गरी ७९ जना रहेको छ भने सशस्त्र प्रहरी सहायक निरीक्षक साधारण उपसमूह ८३ जना रहेको भर्ना सम्बन्धी आवेदन सूचनामा उल्लेख गरिएकोछ ।
