काठमाडौं असार ११,
पेट्रोलियम पदार्थको मूल्यमा भएको अचाक्ली मूल्य वृद्धि पछि सर्वत्र भएको महंङ्गिलाइ दृष्टिगत गर्दै सरकारले पेट्रोलियम पदार्थको मूल्य घटाएको छ । शनिबार पत्रकार सम्मलेनमार्फत उद्योग वाणिज्य तथा आपूर्तिमन्त्री दिलेन्द्रप्रसाद बडूले करमा कटौती गर्दै पेट्रोलियम पदार्थको बढ्दो मूल्यमा डिजेलमा २९ रुपैयाँ र पेट्रोलमा २० रुपैयाँ कर कटौती गर्दै इन्धनको मूल्य समायोजन गरेको हो ।
नेपाल आयल निगमले पछिल्लो पटक डिजेल र मट्टितेलमा २७ र पेट्रोलमा प्रतिलिटर २१ रुपैयाँ भाउ बढाएको थियो । अहिले पेट्रोल प्रतिलिटर १९९ रुपैयाँ र डिजलरमट्टितेल प्रतिलिटर १९२ रुपैयाँमा कारोबार भइरहेको छ । एक्कासि इन्धनको भाउ बढेपछि सरकारमाथि चौतर्फी दबाब परेको थियो ।
त्यस्तै पत्रकार सम्मेलनमा मन्त्री बडूले कर कटौती भएसँगै अब डिजेल प्रतिलिटर १६३ र पेट्रोल १७९ रुपैयाँमा शनिबार राति १२ बजेदेखि लागू हुने गरि उपलब्ध हुने बताउँनुभयो । यसअघि शनिबार बिहान बसेको सत्ताधारी गठबन्धनको बैठकले पेट्रोलियम पदार्थको मूल्य घटाउने निर्णय गरेको थियो । पेट्रोलियम पदार्थमा लगाइएको कर घटाएर मूल्य समायोजन गरिएको हो ।नेपाल आयल निगमका कार्यकारी निर्देशक उमेशप्रसाद थानी लगायतको उपस्थित रहेको थियो ।
