काठमाडौं कात्तिक १२,
प्रधानमन्त्री शेरबहादुर देउवाको आज बेलायत प्रस्थान गर्दैछन् । २० सदस्यीय प्रतिनिधिमण्डलको नेतृत्व गर्दै देउवा आज बिहान १० बजे कतार एयरको उडानबाट शुक्रबार स्कटल्यान्डको ग्लास्गोमा हुन लागेको जलवायु परिवर्तनसम्बन्धी राष्ट्रसंघीय खाका संरचना महासन्धि [यूएनएफसीसीसी] को २६ औं सम्मेलन ९कोप–२६० मा सहभागी हुन बेलायत प्रस्थान गर्न लागेका हो।
परराष्ट्र मन्त्रालयका अनुसार पछिल्लो समय प्रधानमन्त्रीमा नियुक्त भएपछि पहिलो पटक विदेश भ्रमणमा जान लागेका प्रधानमन्त्री देउवा नेतृत्वको २० सदस्यीय प्रतिनिधिमण्डलमा वन तथा वातावरणमन्त्री रामसहायप्रसाद यादव, गृह सचिव टेकनारायण पाण्डे, अर्थ सचिव मधुकुमार मरासिनी, परराष्ट्र सचिव भरतराज पौड्याल, ऊर्जा सचिव देवेन्द्र कार्की, वन तथा वातावरण सचिव पेमनारायण कँडेल र राष्ट्रिय योजना आयोगका सचिव केवलप्रसाद भण्डारीलाई समावेश गरिएको छ ।
त्यस्तै गरि वन मन्त्रालयका सहसचिव राधा वाग्ले, परराष्ट्र मन्त्रालयका शिष्टाचार महापाल दुर्गाबहादुर सुवेदी, मन्त्रालयका उपसचिव रेवतीरमण पौडेल, राष्ट्रिय प्रकृति संरक्षण कोषका अध्यक्ष माधव कार्की र प्रधानमन्त्रीको निजी सचिवालयका उपसचिव जनक भट्ट पनि रहेको जनाएको छ ।
त्यसैगरी, भीआईपी सुरक्षा निर्देशिकाले तोकेको मापदण्डअनुसार सेनाका प्रमुख सेनानी प्रकाशबहादुर सिंह, नेपाल प्रहरीका डीएसपी कोमल शाह, सशस्त्र प्रहरी निरीक्षक रामहरि श्रेष्ठसहित ५ जना सुरक्षा अधिकृत र सरकारी सञ्चारमाध्यमका ३ जना पत्रकार रहेको जानकारी दिएको छ। मन्त्रालयका अनुसार सम्मेलनमा भाग लिएपछि उहाँ कात्तिक १८ गते कतार एयरकै उडानबाट स्वदेश आउने कार्यक्रम रहेको जनाएको छ।
