काठमाडौं पुस २०,
काठमाडौँ महानगरले महानगरपालिकाभित्र सञ्चालनमा रहेका पेट्रोल पम्पहरूको अध्ययन गर्न महानगर प्रहरी उपरीक्षक विष्णुप्रसाद जोशीको संयोजकत्वमा ७ सदस्यीय समिति गठनसंगै यहाँ सञ्चालित पेट्रोल पम्पहरूले शौचालयसमेत सञ्चालनमा ल्याउनु पर्ने नितिगत निर्णय गरेको छ।
महानगरले पेट्रोल पम्पहरूको अध्ययनका लागि गठित समितिको सदस्यमा नेपाल आयल निगम, उपत्यका ट्राफिक प्रहरी कार्यालय, सडक विभाग, जिल्ला प्रशासन कार्यालय, पेट्रोलियम डिलर्स एसोसिएसन र रिपुमर्दिनी पेट्रोल पम्प भद्रकालीका प्रतिनिधि रहेका छन ।
समितिलाइ पेट्रोल पम्पहरूको निरीक्षण गरेर तत्काल सुधार गर्नु पर्ने काम र निश्चित अवधिमा सुधार गर्नु पर्ने कामको अध्ययन गरेर ४५ दिनभित्र प्रतिवेदन पेश गर्ने कार्यादेश दिइएको छ।