काठमाडौं पुस २६,
सर्लाही जिल्ला अदालतले बाल यौन शोषण गरेको मुद्दामा फरार रहेका प्रतिवादी तपस्वी रामबहादुर बम्जनलाई पुर्पक्षका लागि थुनामा पठाउन आदेश दिएको छ । जिल्ला न्यायाधीश विष्णुप्रसाद रेग्मीको एकल इजलासले बिहीबार पुर्पक्षका लागि थुनामा पठाउन आदेश दिएको हो ।
तपस्वी बम्जन बाल यौन शोषण गरेको मुद्दामा अदालतबाट पक्राउ पुर्जी जारी भए पनि विगत ४ वर्षदेखि फरार रहेको अवस्थामा मंगलबार केन्द्रीय अनुसन्धान ब्यूरोले काठमाडौंको बूढानीलकण्ठबाट पक्राउ गरेको थियो । बुधबार उनलाई सर्लाही पुर्याइएको थियो ।
यौन दुर्व्यवहारसँगै हत्या गरेको र अनुयायी बेपत्ता पारेको पनि आरोप लागेको बम्जन विरूद्ध सर्लाही जिल्ला अदालतबाट २०७६ माघ २३ गते पक्राउ पुर्जी जारी भएको थियो ।
