काठमाडौं मंसिर २७,
जल तथा मौसम विज्ञान विभागले काठमाडौं उपत्यकामा आज यो वर्षकै न्यूनतम तापक्रम मापन भएको जनाएको छ । विभागले बिहान ५ः४५ बजे काठमाडौंमा ५।८ डिग्री सेल्सियस तापक्रम मापन भएसंगै आज काठमाडौं उपत्यकामा यो वर्षकै न्यूनतम तापक्रम मापन भएको जनाउ दिएको हो ।
त्यस्तै मौसम पूर्वानुमान शाखाका आज देशका केही भू–भागमा आज वर्षा र हिमपातको सम्भावनासंगै तराईमा हुस्सु र कुहिरो र पहाडी भू–भागमा आंशिकदेखि सामान्य बदली रहेने जनाउसंगै बाँकी भू–भागमा आंशिक बदलीदेखि मौसम सामान्यतया सफा रहने जनाएकोछ ।
त्यस्तै कोशी, वाग्मती र गण्डकी प्रदेशका पहाडी भू–भागका एकाध स्थानमा हल्का वर्षाको समेत सम्भावना रहनुको अलावा कोशी, वाग्मती, गण्डकी र कर्णाली प्रदेशका उच्च पहाडी तथा हिमाली भू–भागका एकाध स्थानमा हल्का हिमपातको समेत सम्भावना औल्याएको छ ।
साथै यसवीचमा हुन सक्ने वर्षा, हिमपात पछि बढ्ने चिसोबाट हुनसक्ने असरबाट बच्न आवश्यक सतर्कता अपनाउन सबैमा आग्रह गरेको छ।
