दुई किलो अवैध सुनसहित ३ जना पक्राउ
काठमाडौं मंसिर २२,
वैदेशिक रोजगारीको लागि माल्टा पठाइदिन्छु भन्दै ७ लाख ५ हजार रूपैयाँ ठगी गरेको अभियोगमा जुम्ला हिमा गाउँपालिका ५ घर भई काठमाडौं महानगरपालिका वडान १५ डल्लु बस्ने ३३ वर्षीय धर्मेन्द्र शाहीलाई बिहीबार दिउँसो प्रहरीले पक्राउ गरेको छ ।
शाहीले २ जनालाई वैदेशिक रोजगारीको लागि माल्टा पठाई प्रतिष्ठित होटलमा मासिक १ लाख १० हजार रूपैयाँ तलबमा काम लगाइदिन्छु भन्दै प्रलोभनमा पारी पीडितबाट पटक पटक गरी उक्त रकम ठगी गरेकोले काठमाडौं उपत्यका अपराध अनुसन्धान कार्यालयले ललितपुर जावलाखेलबाट पक्राउ गरेको हो । पक्राउ परेका शाहीलाइ थप अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको प्रहीले जनाएको छ ।
यसैवीच चन्द्रागिरी नगरपालिका २ नागढुंगाबाट सुन जस्तो देखिने पहेलो धातु २ किलोग्राम सहित ३ जनालाई बिहीबार राति प्रहरीले पक्राउ गरेको छ । भन्सार छली सुन ल्याउन लागेको भन्ने सूचनाको आधारमा अपराध अनुसन्धान कार्यालयले रसुवा गोसाइकुण्ड गाउँपालिका ५ घर भएका २६ बिरू तामाङ, २१ वर्षीय सुनिल भुजेल र २८ वर्षीय ग्याल छिरिङ तामाङलाइ पक्राउ गरेको हो ।
प्रहरीका अनुसार रसुवाबाट काठमाडौंतर्फ आउँदै गरेको बागमती प्रदेश ०१(०२८ च २६९७ नम्बरको गाडीलाई जाँच गर्ने क्रममा गियरबक्स नजिक बिस्कुट आकारमा २ थानमा रहेको उक्त धातु संगै ६ थान मोबाइलसमेत प्रहरीले बरामद गरेको जनाएको छ ।