काठमाडौं मंसिर ६,
२०७२ सालको भूकम्पले क्षति पुगेको सिंहदरबारस्थित प्रधानमन्त्री तथा मन्त्रिपरिषद्को कार्यालय रहने भवनको पश्चिम मोहडाको प्रवलीकरण सम्पन्नभएसंगै आज प्रधानमन्त्री पुष्पकमल दाहालले आज उद्घाटन गर्दै कार्यसम्पादको शुभारम्भ समेत गर्नुभएको छ ।
सहरी विकास मन्त्रालयले झन्डै ५० करोड ३० लाख रुपैयाँ लागतमा यो भवनको प्रवलीकरण गरेको हो । भूकम्पले क्षति पुर्याएको भवन प्रवलीकरण गरी पुरानै स्वरुपमा फर्काउन परम्परागत प्रविधि, काठ, चुना, सुर्की, फलामजस्ता वस्तु प्रयोग गरिएको छ । भवनमा रहेका बुट्टा पनि पुरानै प्रयोग गरिएको छ ।
भवनको उद्घाटनपछि प्रधानमन्त्री दाहालले अब नयाँ सोचअनुसार काम गर्ने बताए । साथै उहाँले प्रधानमन्त्री तथा मन्त्रिपरिषद्को कार्यालय मात्रै नसारिएको जनाउँदै कामको प्रकृति र गुण पनि अब नयाँ ढंगले जाने संकल्प गरे । ‘हामी प्रधानमन्त्रीको कार्यालय सिंहदरबारकै पछिल्लो भागबाट अघिल्लो भागमा सरेका छौं । यो ठाउँ मात्रै सारिएको होइन, कामको प्रकृति र गुण पनि अब नयाँ ढंगले जाने संकल्प पनि यसभित्र रहेको बताउनुभयो ।
तस्बिर: प्रदीपराज वन्त/प्रधानमन्त्रीको सचिवालय
