काठमाडौं कार्तिक ७,
बडादसैंको अन्तिम दिन अर्थात विजयादशमीको साँझ उपत्यकामा नेवार समुदायले तान्त्रिक विधिबाट खड्गको पूजाआजा गरी परम्परागत पहिरनमा खड्गधारण गरी खड्गजात्रा मनाउने गरिन्छ ।
काठमाडौं उपत्यकालगायत नेवार समुदायको बसोबास रहेका जिल्लाका शक्तिपीठबाट खड्गधारण गरी खड्गजात्रा अर्थात ‘पाया’ पर्व मुलत असत्यमाथि सत्यको जित भएको खुसियालीमा मनाइने पर्व हो ।
काठमाडौंमा भने कंकेश्वरी, टेःवहाल, वटु भद्रकाली, कोहीटी निलबाराही, र हनुमानढोका दरवारबाट तलेजु भवानीको खड्गजात्रा निकाल्ने परम्परा रहिआाएको पाइन्छ । जात्राको क्रममा नगरपरिक्रमा गरी सकिएपछि दानवको प्रतीक कुभिन्डोमा खड्गले प्रहार गरी भन्दै खुसियाली मनाउने गरिन्छ ।
