काठमाडौं असोज २९
नेपाल राष्ट्र बैंकले आजदेखि नयाँ नोट साट्न सुरू गरेको छ । दशैं, तिहार र छठ पर्वलाई लक्षित गर्दै राष्ट्र बैंकले आजदेखि नयाँ नोट सात्न पाउने यसअघि सार्वजनिक सूचना जारी गरेको हो ।
५, १०, २०, ५० र सय रूपैयाँका नयाँ नोट एक जनालाई १८ हजार ५ सयसम्म सटहीको व्यवस्था मिलाइएको र काठमाडौं उपत्यकाभित्र राष्ट्र बैंकअन्तर्गतको मुद्रा व्यवस्थापन विभाग र विभिन्न वाणिज्य बैंकका शाखामार्फत नयाँ नोट सटही गर्न सकिने राष्ट्र बैंकले जनाएको छ ।
त्यस्तै उपत्यकाबाहिर भने राष्ट्र बैंकको प्रदेश कार्यालय वा वाणिज्य बैंकका शाखाबाट नोट साट्न सकिने जनाएको छ ।