काठमाडौं असोज १३,
प्रधानमन्त्री प्रचण्ड ८ दिने चीन भ्रमण सकेर आज स्वदेश फर्किएका छन् । आफ्नो अमेरिका र चिन भ्रमणको विषयमा जानकारी दिनका लागि आयोजित पत्रकार सम्मेललाइ सम्बोधन गर्दै प्रम प्रचण्डले भ्रमणको क्रममा नेपाल र चीनबिचका सबै नाका खोल्ने सहमतिसंगै यसको लागि चिन सरकारले अनुदान उपलब्ध गराउने वचन दिनुभएको बताउनुभएको छ ।
त्यस्तै पोखरा क्षेत्रीय अन्तर्राष्ट्रिय विमानस्थल नियमित सञ्चालनबारेमा पनि महत्वपूर्ण छलफल भएको जानकारी दिदै प्रम प्रचण्डले चनको छेन्दुबाट सहजै द्विपक्षीय उडानको विषयमा समेत छलफल भएको बताउनुभयो । समग्रमा आफ्नो विदेश भ्रमण उपलब्धीपूर्ण रहेको दावी सहित प्रधानमन्त्री प्रचण्डले नेपाल चीन सम्बन्धलाई थप उचाई दिन मद्दत गरेको बताउँनुभयो ।
यस्तोछ पत्रकार सम्मेलनमा वितरित प्रेस विज्ञप्तिको पूर्णपाठ :
त्यसैगरी चिनियाँ प्रधानमन्त्री लि छियाङसँगको प्रतिनिधि मण्डलस्तरीय द्वीपक्षीय वार्तामा विद्युत प्रसारण लाइन, सौर्य ऊर्जा, सडक निर्माण र स्तरोन्नति र पूर्वाधार विकासजस्ता विषयमा गहन छलफल भएको बताउँदै चीनले नेपालको आवश्यकता अनुसार अरनिको राजमार्गको चौथो चरणको पुनर्निर्माण गर्ने, स्याफ्रुबेंसी–रसुवागढी सडक मर्मतमा सहयोग गर्ने र हिल्सा सिमिकोट सडकको सम्भाव्यता अध्ययन गर्ने विषयमा समेत चिन सरकार सकारात्मक रहेको बताउनुभयो ।
साथै टोखा छहरे सुरुङमार्गको सम्भाव्यता अध्ययन गर्ने तथा काठमाडौं चक्रपथ परियोजनाको दोस्रो चरणको कार्यान्वयनलाई तीव्रता दिने विषयसंगै विभिन्न १२ वटा समझदारी पत्रमा हस्ताक्षर भएको मा पनि सहमति भएको बताउनुभयो ।
