काठमाडौं भाद्र ३०,
संयुक्त राष्ट्र सङ्घको ७८ औँ महासभामा सहभागी हुन प्रधानमन्त्री पुष्पकमल दाहाल आज अमेरिका जाँदै छन् । महासभामा नेपालका तर्फबाट चार वर्षपछि सरकार प्रमुखका रूपमा प्रधानमन्त्री पुष्पकमल दाहालले भौतिक रूपमै उपस्थित हुँदै असोज ४ गते सम्बोधन गर्ने कार्यक्रम रहेको छ । सम्बोधनको क्रममा प्रम प्रचण्डले पछिल्लो समय नेपालले हासिल गरेका राजनीतिक उपलब्धिबारे जानकारी दिनुहुने प्रम सचिवालयले जनाएको छ ।
विभिन्न देशका राष्ट्रप्रमुख र सरकार प्रमुख सहभागी हुने महासभामा सहभागी हेनेक्रममा प्रम प्रचण्डले विभिन्न देशका सरकार प्रमसखसंग वार्ता र दुई पक्षीय हितका विषयमा समेत छलफल गर्ने तयारी गरेको जनाउँदै सचिवालयले जनाएके छ।
महासभालाई सम्बोधन गरेलगत्तै प्रधानमन्त्री दाहाल १९ औँ एसियाली खेलकुदको उद्घाटनमा सहभागी हुन न्युयोर्कबाटै चीन जानेछन् । चीनमा हाङजाओमै चिनियाँ राष्ट्रपति सी चिनफिङसँग भेटवार्ता गर्ने कार्यक्रम रहेको प्रम सचिवालयले जनाएको छ।
