काठमाडौं भाद्र २८,
आज बसेको संसदको दुवै सदनमार्फत संविधानसभा अध्यक्ष, पूर्वसभामुख एवं नेकपा एमालेका उपाध्यक्ष सुवासचन्द्र नेम्वाङको निधनमा संघीय संसद्का दुवै सदनबाट शोक प्रस्ताव पारित भएको छ ।
राष्ट्रियसभामा अध्यक्ष गणेश तिमल्सिना र प्रतिनिधिसभामा सभामुख देवराज घिमिरेले बैठकमा प्रस्तुत गरेको शोक प्रस्ताव सर्वसम्मत पारित भएको हो ।
बैठकमा नेम्वाङको आत्माको शान्तिका लागि एक(एक मिनेट मौनधारण गरिएको थियो । राष्ट्रिय सभाको अर्को बैठक असोज १२ बोलाइएको छ भने प्रतिनिधिसभाको अर्को बैठक भाद्र २९ गतेका लागि बोलाइएको छ ।