काठमाडौं भाद्र २७,
संविधानसभाका अध्यक्ष एवम् नेकपा एमालेका उपाध्यक्ष सुवासचन्द्र नेम्वाङको विहिवार विहान ११ बजे पशुपति आर्यघाटमा राजकीय सम्मानकासाथ अन्तिम संस्कार गरिने भएको छ । सो अघि उहाँको शवयात्रा निकालिने एमाले केन्द्रीय प्रचार तथा प्रकाशन विभागले जनाएको छ । सरकारले बिहीबार हुने नेम्वाङको अन्तिम संस्कार राजकीय सम्मानका साथ गर्ने निर्णय संगै सार्वजनिक विदा समेत दिने निर्णय गरेको छ ।
बिहीबार विहान बालुवाटारबाट शवयात्रा शिक्षण अस्पताल–महाराजगञ्ज–नारायणगोपाल चोक–धुम्बाराही– चावहिल–गौशाला हुँदै पशुपति आर्यघाटमा लगिने जानकारी दिदै विभागका सचिव गगन विष्टले अन्तिम श्रद्धाञ्जलि अर्पणका लागि निजी सवारी साधन हुनेहरु शंखपार्क, धुम्बाराही र सवारी साधन नहुनेहरु गौशालाको वडा प्रहरी कार्यालय अगाडिबाट श्रद्धाञ्जलि अर्पण गर्न सक्ने व्यवस्था मिलाइएको बताउनुभयो ।
यसैवीच विज्ञप्तिमा चीन भ्रमणमा जानुभएका पार्टी महासचिव शंकर पोखरेलले आज पार्टी मुख्यालयमा गएर नेम्वाङप्रति श्रद्धाञ्जलि व्यक्त गर्नुभयो ।
