काठमाडौं भाद्र २१,
प्रतिनिधिसभाको बैठक आज बस्दैछ । संसद सचिवालयले संघीय संसद भवन नयाँ बानेश्वरमा दिउँसो १ बजे बैठक बस्ने बैठकमा विभिन्न मन्त्रालयसम्बन्धी मौखिक प्रश्नहरुको सम्बन्धित मन्त्रीहरुले उत्तर दिने कार्यसूचीमा रहेको जनाएकोछ ।
त्यस्तै सचिवालयले आजको बैठकका लागि जारी संभावित कार्यसूचीमा कृषि तथा पशुपन्छी विकास मन्त्री, श्रम, रोजगार तथा सामाजिक सुरक्षा मन्त्री, अर्थ मन्त्री र उर्जा, जलस्रोत तथा सिँचाई मन्त्रीसँग प्रश्नोत्तर हुने उल्लेख गरिएकोछ ।
यस्तैगरि आजको बैठकमा प्रधानमन्त्री पुष्पकमल दाहालले राष्ट्रिय महिला आयोगको १५ औँ वार्षिक प्रतिवेदन पेस गर्ने कार्यक्रम समेत रहेको संसद सचिवालयले जनाएको छ ।
