ललितपुर भाद्र २०,
राष्ट्रपति रामचन्द्र पौडेल ललितपुरस्थित कृष्ण मन्दिर दर्शनको लागि बुधबार दिउँसो ललितपुर पुग्नुभएको छ । राष्ट्रपति पौडेल कृष्ण जन्माष्टमीको अवसरमा राष्ट्र प्रमुखको हैसियतमा कृष्ण जन्माष्टमीमा ललितपुरको कृष्ण मन्दिरमा पुगेर पूजा गर्ने चलन अनुसार उहाँ ललितपुरस्थित कृष्ण मन्दिरमा जानु भएको हो ।
राष्ट्रपति पौडेललाई कृष्ण मन्दिर परिसरमा ललितपुर महानगरपालिकाका प्रमुख चिरिबाबु महर्जनलगायत जनप्रतिनिधिले स्वागत गर्नुभएको छ । कृष्ण जन्माष्टमीमा देशभरका कृष्ण मन्दिरमा श्रद्धालुको भिड लागेको छ ।
