काठमाडौ भाद्र ११,
आज प्रतिनिधि सभाका १० विषयगत समितिका सभापतिको चयन हुने भएको छ।
संसदीय समितिका सभापति पदका लागि आइतबार उम्मेदवारी दर्ता सम्पन्न भएको छ । १० संसदीय समिति सभापतिका लागि ११ जनाको उम्मेदवारी परेको छ । नौ वटामा एकल उम्मेदवारी परेको छ भने एउटा समितिमा दुईजनाको उम्मेदवारी मनोनयन दर्ता भएको छ ।
संसद सचिवालयले आज दिउँसो ३ बजे बस्ने सम्बन्धित समितिको बैठकले अर्थ, अन्तर्राष्ट्रिय सम्बन्ध र पर्यटन, उद्योग तथा वाणिज्य र श्रम तथा उपभोक्ताहित, कानुन, न्याय तथा मानवअधिकार, कृषि, सहकारी तथा प्राकृतिक स्रोत समिति छ । त्यस्तै महिला तथा सामाजिक मामिला, राज्यव्यवस्था तथा सुशासन, पूर्वाधार विकास, शिक्षा, स्वास्थ्य तथा सूचना प्रविधि र सार्वजनिक लेखा समितिको नेतृत्व चयन गर्ने जनाएके छ ।
नौ समितिमा एक(एक जनाको उम्मेदवारी परेको छ भने उद्योग तथा वाणिज्य तथा उपभोक्ताहित समितिमा जनमत पार्टीका अब्दुल खान र रास्वपाका गणेश पराजुलीबीच प्रतिस्पर्धा हुने भएको छ ।
