काठमाडौं भाद्र १,
नेकपा एमालेले भाद्र १६ देखि असोज २२ गतेभित्र सातवटै प्रदेशमा पार्टीको प्रदेश अधिवेशनका सम्पन्न गर्न निर्देशन सहित अधिवेशन कार्यतालिका सार्वजनिक गरेको छ । केन्द्रीय कार्यालयले शुक्रबार पठाएको अन्तर पार्टी निर्देशनमा सातै प्रदेशको अधिवेशनको तालिका सार्वजनिक गरेको हो ।
सार्वजनिक कार्यतालिका अनुसार भाद्र १६ र १७ गते लुम्बिनीमा प्रदेश अधिवेशन आयोजना हुनेछ भने असोज ५ र ६ गते मधेश प्रदेशको अधिवेशनको मिति तोकिएको छ। त्यस्तै असोज ८ र ९ गते बागमती, असोज १० र ११ गते कर्णाली , असोज १२ र १३गते कोशी ,असोज १५ र १६ गते गण्डकी , असोज १९ र २० गते उपत्यका विशेष प्रदेश र असोज २१ र २२ गते सुदूरपश्चिम प्रदेशमा अधिवेशन गर्ने एमालेले तयारी गरेको छ । 
एकतिहाइ युवा प्रतिनिधित्व सुनिश्चित गर्ने लक्ष्य सहित एमालेल ४० वर्षमुनिका युवाको सहभागिता प्रदेश कमिटीमा न्यूनतम १० प्रतिशत, जिल्लामा न्यूनतम १५ प्रतिशत, पालिकामा न्युनतम २० प्रतिशत र वडा तथा टोलमा कम्तिमा एकतिहाइ पुर्याउने जनाएको छ ।
