काठमाडौं साउन ३२ ,
राष्ट्रपति रामचन्द्र पौडेलले संसद्को गतिरोध हटाउने विषयमा छलफल गर्न भाद्रको पहिलो साता सर्वदलीय बैठक बोलाउने तयारी गरेका छन् ।
त्रिभुवन विमानस्थलबाट अवैध रुपमा भित्रिएको सुन काण्डको छानबिन गर्न उच्चस्तरीय समिति बनाउन माग गर्दै एक साताभन्दा बढीदेखि संसद अवरुद्ध गर्दै हुँदै आएका कारण संसद् अवरोध हटाउन राष्ट्रपतिले चासो देखाएको हो ।
राष्ट्रपतिका प्रेस सल्लाहकार किरण पोखरेलले नेपाली कांग्रेसका सभापति शेरबहादुर देउवा र प्रधानमन्त्रीलाई भेटेपछि बैठकको मिति तय हुने जानकारी दिदै सम्भवतः आइतबार बैठक आव्हान हुने बताउनुभयो ।
यसअघि राष्ट्रपति पौडेलले बुधबार नेकपा एमाले अध्यक्ष केपी ओलीसँग भेट गरी संसद् अवरोध हटाउन सल्लाह दिएका थिए । त्यसअघि राष्ट्रपति पौडेलले सभामुख देवराज घिमिरेलाई पनि भेटेका थिए ।