काठमाडौं साउन २९ ,
सप्तकोसी नदीमा पानीको बहाव उच्च भएपछि कोसी ब्यारेजका ५६ वटा सबै ढोका खोलिएको छ । सप्तकोसीमा पछिल्लो तीन दशक यताकै पानीको बहाव उच्च भएपछि ब्यारेजका सबै ढोका खोलिएको जिल्ला प्रशासन कार्यालय सुनसरीले जनाएको छ।
पूर्वी पहाडी जिल्लामा अविरल वर्षाका कारण आज बिहान ६ बजे गरिएको मापनअनुसार सप्तकोसीमा पानीको बहाव प्रतिसेकेन्ड ४ लाख ५२ हजार क्युसेक पुगेको प्रशासनले जनाएको छ ।
पानीको बहाव बढेसंगै तल्लो तटीय क्षेत्रका बासिन्दालाई सतर्क रहन स्थानीय प्रशासनले आग्रह गरेको छ ।
