काठमाडौँ साउन २१,
काठमाडौंको तारकेश्वर नगरपालिका-५ स्थित चो गाउँमा पहिरोले घर पुरिँदा बाबु-छोरीको मृत्यु भएको छ । गएराती चन्द्र तामाङको घर पहिरोले पुरिँदा भाडामा बस्दै आएका नुवाकोट सामरीका ४१ वर्षीय गणेश तामाङ र उनकी छोरी १५ वर्षीया आश्मा तामाङको मृत्यु भएको प्रहरीले जनाएको छ।
प्रहरीका अनुसार गणेशकी श्रीमती घाइते भएकी छन् भने छोरा सकुशल रहेको जनाउँदै मृतक बाबु-छोरीको शव पोस्टमार्टमका लागि त्रिवि शिक्षण अस्पतालमा लगिएको जनाएको छ।
