धरौटी बुझाएर रिहा भएलगत्तै तुलाधर पक्राउ
काठमाडौं असार ३१,
काठमाडौं जिल्ला अदालतले ललिता निवास प्रकरणमा पक्राउ परेकाहरुलाई थप पाँच दिन थुनामा राखेर अनुसन्धान गर्न अनुमति दिएको छ । केन्द्रीय अनुसन्धान ब्युरोले प्रस्तुत प्रकरणमा भाटभटेनीका सञ्चालक मीनबहादुर गुरुङसहित १७ जनालाई पक्राउ गर्दै पक्राउ परेका अभियुक्त उपर सरकारी कागज किर्तेसम्बन्धी कसुरमा अनुसन्धान गरिरहेको छ ।
यसैवीच सीआईबीले भाटभटेनीका सञ्चालक मीनबहादुर गुरुङसँग जग्गा लिएको आरोपमा नक्कली भुटानी शरणार्थी प्रकरणमा पक्राउ परेका केशवबहादुर तुलाधरलाई पक्राउ गरेको छ ।
नक्कली भुटानी शरणार्थी प्रकरणमा पक्राउ परेका तुलाधरले आइतबार १५ लाख धरौटी बुझाएर रिहा भएलगत्तै प्रहरीले उनलाइ ललितानिवास जग्गा प्रकरणमा प्रक्राउ गरेको हो । तुलाधरले २०६१ सालमै २ रोपनी जग्गा लिएको अनुसन्धानको क्रममा खुलेको प्रहरीको भनाइ रहेको छ। तुलाधरको पक्राउसंगै प्रस्तुत प्रकरणमा पक्राउ पर्नेको संख्या १८ पुगेको छ ।
