काठमाडौं वैशाख १५,
अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभागका खाद्य अनुसन्धान अधिकृत योगेन्द्र ढुंगेलले अनुज्ञापत्र दिने क्रममा रु १ लाख पचास हजार रुपियाँ घुस लिएको आरोप सहित आज विशेष अदालत काठमाडौंमा मुद्धा दायर गरेको छ ।
आयोगका प्रवक्ता भोला दाहालले शुक्रबार जारी गरेको प्रेस विज्ञप्तिमा ढुंगेलले सेवाग्राहीसँग अनुज्ञापत्र दिने प्रयोजनका लागि सो रकम लिएको अनुसन्धानको क्रममा पुष्टि भएसंगै निजविरुद्ध मुद्धा दायर गरेको हो ।
त्यस्तै दायर मुद्धामा भ्रष्टाचार निवारण ऐन, २०५९ को दफा ३ को उपदफा [१] को देहाय [घ] बमोजिमको कसुरमा बिगो रु १ लाख पचास हजार कायम गरी ऐनको दफा ३ को उपदफा[१] को देहाय [घ] बमोजिम कैद र विगो जरीवानाको मागदावी गरिएको उल्लेख गरिएको छ ।
